صوابۍ ۔ 13جنوری(اے پی پی) د قامي اسمبلۍ سپيكر اسد قېصر وئيلي دي د كورونا خپرېدو مخنيوي له د پاكستان ستراتيجي كاميابه پاتې شوې او د اولس مرستې د لارې دا ممكن شوې۔ د وزيراعظم عمران خان او د هغه د ډلې خوارۍ له امله د پاكستان معيشت پياوړے شوے، د ورلډ اکنامک فورم په شمول د نړۍ نورې ادارې د پاكستان د معيشت بهترۍ ستائنه كوي۔ دا مهال د هېواد اقتدار د متوسطې طبقې په لاسو كښې دے۔ مونږ د اولسي هيلو له مخې كار كوؤ۔ د دې خيالاتو څرګندونه هغه د شورؤ په ورځ باچا خان میډیکل کمپلېکس كښې د نرسنګ او وبائي رنځونو انسټي ټيوټ د بنياد تيګې اېښودو دستورې ته خطاب كښې وكړه۔ په دې موقع د خېبر پختونخوا وزيراعلی محمود خان هم موجود ؤ۔ دستورې ته خطاب كښې د قامي اسمبلۍ سپيكر ووئيل د خېبر پختونخوا اولس له اړخه د وزيراعلی مننه كوم۔ هغه ووئيل د كورونا وائرس په اولنۍ چپه كښې د نړۍ تباهي شوې٬ په امريكا او اروپا كښې بلها ځاني زيان شوے ولې د لوئي څښتن په فضل او كرم او بيا د پاكستاني حكومت د غوره ستراتيجۍ په سبب مونږ د دغې وباﺀ په مخنيوي كښې كاميابه شوې يؤ او په دويمه چپه كښې به هم دغسې كاميابي ترلاسه كړي۔ هغه ووئيل د دې هر څه ممكن كېدو كښې د اولس كردار او مرسته هم مهمه ده۔ هغه ووئيل د كورونا سره سره مونږ معاشي چېلنج سره هم مخ يؤ۔ زمونږ د ګاونډې هېواد هند معيشت هم سخت ځپلے شوے۔ هغه ووئيل د وزیراعظم عمران خان او د هغه د ډلې خوارۍ له امله حالات مخ په ښه كېدو دي۔ هغه ووئيل اسد عمر او اېن سي او سي په وخت پرېكړې كړي ۔ د كورونا په اولنۍ چپه مو قابو موندلے او په دويمه چپه به هم كه لوئي څښتن ته منظور وي قابو اومومو او حالات به ښه شي۔ هغه ووئيل نړيواله ورورولۍ زمونږ د ستراتيجۍ ستائنه كوي۔ هغه ووئيل د صوابۍ پرمختګ له مو منصوبې پیل كړې دي۔
د وزيراعظم عمران خان او د هغه د ډلې خوارۍ له امله د پاكستان معيشت ښه شوے، د ورلډ اکنامک فورم پشمول د نړۍ نورې ادارې د پاكستان د معيشت بهترۍ ستائنه كوي۔ د قامي اسمبلۍ سپيكر اسد قېصر دستورې ته خطاب
مضمون کا ماخذ : کمپیوٹر لاٹری کا جیک پاٹ
متعلقہ مضامین
