اسلام آباد 06اکتوبر (اے پي پي) وزيراعظم محمد شهباز شريف وئيلي دي قام د هېواد د پرمختګ دښمنان پېژندلې دي٬ څلور كاله قصداً د سي پېك منصوبه ځنډولې شوې٬ پرمختيائي منصوبې به په ترجيحي بنيادونو بشپړولې شي۔ د وزيراعظم آفس ميډيا ونګ لخوا د جاري بيان له مخې وزيراعظم د دې خيالاتو څرګندونه د چائنه روډ اېنډ برج كارپورېشن نائب صدر ژي چنګيان په مشرۍ كښې پلاوي سره كړې چا چې د زيارت په ورځ دوي سره ملاقات كولو۔ په دې موقع د منصوبه بندۍ وفاقي وزير احسن اقبال، خاص مرستيال جهانزېب خان، ظفرالدين محمود٬ د سمندري چارو وفاقي وزير فېصل سبزعاري د وېډيو لنك د لارې موجود وٶ۔ په دې موقع وزيراعظم ووئيل پاكستان د ترجيحي بنيادونو د لارې د سي پېك منصوبه ترسره كوي٬څلور كاله قصداً د سي پېك منصوبه ځنډولې شوې ٬ قام د هېواد د پرمختګ دښمنان پېژندلې دي۔ وزيراعظم ووئيل مونږ د قام او هېواد پېسې حفاظت لپاره اولس ته ځواب وركوٶنكي يو٬ حكومت په پرمختيائي منصوبو كښې سپېځلتيا باوري كوي٬پرمختيائي منصوبې په خاص توګه د اولسي اهميت منصوبې به په ترجيحي بنيادونو بشپړوٶ٬ ده ووئېل چين د پاکستانپه هر سخت وخت كښې ملګرتيا كړې ٬ د اوسني سېلاب او بارانونو په مهال د چين په مرسته د صدر شي جنګ پنګ او د چين د اولس مننه كوٶ۔په دې مهال وزيراعظم شهباز د سي پېك له مخې منصوبې په ترجيحي بنيادونو په ټاكلې موده كښې د بشپړولو امر وكړو ۔ د ملاقات په مهال وزيراعظم ته په بېلا بېلو جاري او بشپړو شوو مېګا پراجېكټس تفصيلي بريفنګ وركړے شو ۔ په دې موقع وزيراعظم ته ووئيل شولقراقرم هائي وے۔ د حوېلو نه تر تهاكوټ مكمل شوې چې ټرافېك په روان دے او په فېر-ټو د تهاكوټ نه تر رائے كوټ هم كار پېل شوے ٬ وزيراعظم د کراچۍ کوسټل ډويلپمنټ پراجيکټ، د رشکئۍ خاص اقتصادي زون، د کراچۍ حېدرآباد موټروے M-9، بابوسر ټنل،اېم اېل ۔1او د کراچۍ پورټ ټرسټ نه تر PIPRI رېلوے کوريډور په منصوبه د پېشرفت نه هم په تفصيلي توګه خبر كړے شو۔ وزيراعظم ته ووئيل شول سي آړ بي سي د وزيراعظم د سي پېك منصوبې په ترجيحي بنيادونو او په ټاكلې موده كښې د ترسره كولو د اقدامات هركلے كوي، د دې نه علاوه سي آر بي سي د لس زره مېګاٶاټ سولرائيزېشن منصوبه كښې په سرمايه كارۍ كښې د ژورې خوښۍ څرګندونه وكړه۔ په دې موقع د سي آر بي سي وائس پريزيډنټ وزيراعظم شهباز شريف ته د سېلاب ځپليو مرستې لپاره وزيراعظم فنډ له د يو لك ډالرو چېك هم وركړو۔ په دې موقع وزيراعظم اړوندو چارواكو ته د دې منصوبو پحقله د ټولو ضروري اقداماتو زر تر وره د بشپړولو او په دې د كار پېل كولو امر وكړو۔
څلور كاله د سي پېك منصوبه ځنډولې شوې ٬ پرمختيائي منصوبې به په ترجيحي بنيادونو بشپړولې شي ۔ وزيراعظم شهباز شريف
مضمون کا ماخذ : سندھ لاٹری
متعلقہ مضامین
