اسلام آباد۔13مئی(اے پی پی) پاكستان د هند په غېر قانوني توګه قبضه كړې شوي جموں وكشمير كښې تش د نامې حلقه بندۍ كمېشن راپور مسترد كولو سره وئيلي دي چې د پاكستان دريځ ښكاره دې چې په مقبوضه سيمه كښې د هند د 5 اګست 2019م او د دغې نه وورستو يو اړخيزه او غېر قانوني اقدامات د نړيوال قانون ٬ څلورم جنېوا كنونشن او د ملګرو ملتونو د سلامتي كونسل د اړوندو قراردادونو ښكاره خلاف ورزي ده۔ د كشمير ميډيا سروس له مخې د خارجه دفتر وياند عاصم افتخار په اسلام آباد كښې خپل اوونيز پرېس بريفنګ كښې ووئيل په غېر قانوني توګه قبضه كړې شوې مقبوضه وادۍ كښې د هند غېر قانوني او يو اړخيزه ګامونو جائز ګرځولو هندي هڅې به كله هم كاميابې نه شي۔ ده ووئيل د هندي اقداماتو مقصد د جمو وكشمير په نړيواله كچه منلې شوي متنازعه حېثيت ته زيان رسول او په مقبوضه سيمه كښې د آبادۍ تناسب بدلول دي دغسې چې مقبوضه كشمير كښې مسلم اكثريت په اقليت كښې بدل كړې شي۔ ده ووئيل پاكستان او كشميري اولس دا ټول هندي اقدامات مسترد كړې دي۔ د خارجه دفتر وياند ووئيل د حلقه بندۍ كمېشن رپورټ د بي جے پي حكومت كشميرې اولس د بې اختيار كولو او د رائې حق كارولو څخه د محروم كولو مكروه منصوبه ده۔ ده ووئيل دا يو غېر قانوني مشق دې او د ملګرو ملتونو د سلامتي كونسل د اړوندو قراردادونو خلاف ورزي ده او د پاكستان حكومت دا رپورټ په ښكاره توګه مسترد كړې دې۔ ده ووئيل په دې معامله هندي ناظم الامور د مئي په 5 مه نېټه خارجه وزارت ته رابللې شوې وو او هغه ته سخت احتجاج شوې وو۔ده ووئيل د مئي په 10 مه نېټه خارجه وزير بلاول بھټو زرداري د سلامتي كونسل صدر او د ملګرو ملتونو عمومي سېكتر ته په يو خط كښې په مقبوضه كشمير كښې د ودانۍ تناسب بدلولو له د هندي حكومت د غېر قانوني اقداماتو معامله پورته كړې وه۔ وياند ووئيل خارجه وزير قومي اسمبلۍ ته د بريفنګ وركولو په مهال په كشمير كښې د حلقه بنديو عمل په ښكاره توګه مسترد كړو۔ ده وئيل قومي اسمبلۍ په يوه خله دا رپورټ مسترد كولو سره يو قرارداد منظور كړو او كشميري اولس سره يۍ د يو والي او د هغوي ملاتړ له يۍ د خپل لوظ پخلې وكړو۔ وياند ووئيل تر كومې چې كشميري اولس د ملګرو ملتونو د سلامتي كونسل د قراردادونو لمخې د خپلواكۍ حق ترلاسه كړې نه وي پاكستان به ئې هر ممكن ملاتړ روان ساتي۔ ده ووئيل وزیر اعظم محمد شهباز شریف د 28 نه تر 30اپرېل د سعودي عربستان خپلې دورې په مهال د او آئي سي عموي سېكتر حسېن براهيم طحه سره ملاقات وكړو۔ وزیراعظم د جموں وكشمير په شخړه د او آئي سي په ټينګ پاتې كېدو او ملاتړ د عمومي سېكتر مننه وكړه۔ وياند په مقبوضه كشمير كښې د هندي ظلمونو سخته غندنه كولو سره ووئيل په دې وروستيو كښې 10 كشميري ځوانان شهيد كړې شول ۔ ده د هند په كرناټك رياست كښې په اذان كښې خلل اچولو له د هندو انتها خوښو په كارروائۍ هم سخت غبرګون ښكاره كړو۔ وياند په نړيواله ورورولۍ زور راوړو چې هغه دې د اسلامو فوبيا مخنيوي له خپل كردار ترسره كړي۔
پاكستان د هند د حلقه بندۍ كمېشن راپور مسترد كړو٬ د غېر قانوني او يو اړخيزه ګامونو جائز ګرځولو هندي هڅې به كله هم كاميابې نه شي٬ د خارجه دفتر وياند
مضمون کا ماخذ : مڈاس گولڈ
متعلقہ مضامین
.jpg)
