انتخابي اصلاحات لپاره د اپوزېشن د وړاندېزونو په طمعه يوو٬سمندر پورې پاكستانيانو له د ووټ حق وركولو لپاره مسلم ليګ(ن)سنجيده نه دے۔د چوهدري فواد حسېن مېډيا ته بريفنګ

اسلام آباد 08 جون (اے پي پي)د اطلاعات او خپرونو وفاقي وزير چوهدري فواد حسېن وئېلي دي د انتخابي اصلاحات لپاره د اپوزېشن د وړاندېزونو په طمعه يوو٬سمندر پورې پاكستانيانو ته د ووټ حق وركولو لپاره مسلم ليګ(ن)سنجيده نه دے٬په دې لړ كښې د مسلم ليګ(ن)د دريځ غندنه كوو٬د وفاقي كابينې په غونډه كښې په كاناډا كښې د پاكستانۍ كورنۍ د قتل سخته غندنه شوې ٬ كومو چې اسلامي هېوادونو ته د انتهاخوښۍ پېغور وركولو هغوي دې خپل ځان ته اوګوري۔وزيراعظم عمران خان اسلامو فوبيا ته د نړۍ پام راګرځولے ٬اسلامو فوبيا په لوېديزه ټولنه كښې خپره شوې٬اوسني حكومت د 60 څخه د زياتو ادارو د مشرانو ټاكنې كړي٬حكومت ټولې ټاكنې په مېرټ كړي٬د طارق ملك د نادرا د چيئرمېن په توګه٬د انفارمېشن ګروپ سينئر افسر مبشر حسن د اے پي پي د اېم ډي په توګه٬د عمر حبيب لودهي د يوټېلټي كارپورېشن آف پاكستان د ډائرېكټر په توګه د ټاكنې منظوري وركړی شوې٬د تېر وخت حكومتونو قامي ادارې تباه او بربادې كړي٬رېلوے لپاره د اېل اېل ون پروژې په ترسره كېدو به د رېلوے نظام بهتر شي۔پيپلز پارټۍ او مسلم ليګ(ن)د ماشومانوغوندې په خپلو كښې په جنګ دي٬مسلم ليګ(ن) او پيپلز پارټۍ سره په انتخابي اصلاحات خبرې كول غواړو۔ده دا خبرې د نهې په ورځ د وزيراعظم په مشرۍ كښې د وفاقي كابينې غونډې نه پس مېډيا ته د بريفنګ وركولو په مهال وكړې۔د اطلاعات او خپرونو وفاقي وزير چوهدري فواد حسېن ووئيل د وفاقي كابينې په غونډه كښې د رېل ګاډي په پېښه او په كاناډا كښې د اسلامو فوبيا سره د مخ شوې پاكستانۍ كورنۍ لپاره لاس نيوه شوې ۔ده ووئيل وزيراعظم عمران خان د اسلامي امت هغه يوازنے لارښود دے كوم چې څوځله د اسلامو فوبيا په نتيجه كښې د رامينځ ته كېدونكو نوو بحرانونو ته د نړۍ پام راګرځولے۔په كاناډا كښې رامينځ ته شوې پېښه د وزيراعظم د اندېښنو يو بل شهادت دے۔مونږ وليدل چې څنګه پاكستاني مسلمانان په نخښه كړے شول۔ ده ووئېل په كاناډا كښې پاكستانۍ كورنۍ چې په كوم ډول قتل كړې شوې مونږ د هغې سخته غندنه كوو او يو ځل بيا د غربي هېوادونو پام دې پلو ته راګرځوو چې په لوېديزه نړۍ كښې د اسلامو فوبيا مخ نيوې وكړي او د دې په وجوهاتو كار كولو ته ضرورت دے۔ ده ووئېل د نړۍ اسلامي هېوادونو ته د بنياد پرستۍ پیغور وركونكو ته خپل ځان ته كتل پكار دي۔ده ووئيل په لوېديزه ټولنه كښې اسلامو فوبيا خپره شوې٬له بده مرغه د كركې په بنياد فلاسفي كښې د مسلمانانو په ضد يوه پوره منظر نامه بدلېږي٬په دې مونږ ډېر فكر لرو ځكه وزيراعظم څو ځله دا خبره كړې او د لوېديزو واكمنو او مشرانو پام يې دې پلو راګرځولے۔د اطلاعات وزير ووئيل تېره ورځ د ټاكنو كمېشن سره زمونږ ملاقات شوے٬په دې كابينې ته بريفنګ وركړے شوے٬مونږ په څلورو چارو خبرې كړي٬د تېر كال د اكتوبر مياشتې نه د انتخابي اصلاحات بل په قامي اسمبلۍ كښې دے ٬ مونږ انتظار كوو چې اپوزېشن په دې خپلې رائې وركړي٬دا انتخابي اصلاحات دې قبول يا دې مسترد كړے شي۔ ده ووئېل مونږ وكتل چې مسلم ليګ(ن)په عدالت كښې پيټشن دائر كړے او وئېلې يې دي چې سمندر پورې پاكستانيانو له دې د ووټ حق ورنه كړے شي٬دا يوه افسوس ناكه خبره ده ٬ په دې زموڼږ پوزېشن واضح دے اومونږ سمندر پورې پاكستانيانو ته د ووټ حق وركول غواړو۔ده ووئېل مونږ اوس د پيپلز پارټۍ د دريځ په طمعه يو٬(ن)ليګ پيټشن فائل كولو سره د سمندر پورې پاكستانيانو په اړه د خپلې رائے اظهار كړے۔ده ووئيل نن د پاكستان كرنټ اكاؤنټ د خسارې نه بهر دے٬نن د ډالر قدر مخ په كمېدو دے٬د دې لويه وجه د سمندر پورې پاكستانيانو ترسيلات زر دي كوم چې هغوي پاكستان ته رالېږي٬مونږ ټول سمندر پورې پاكستانيان د پاكستان د لويې كورنۍ يو لازمي جز ګڼو ۔ده ووئېل له بده مرغه(ن)ليګ دريځ خپل كړے چې سمندر پورې پاكستانيانو ته دې د ووټ حق ورنه كړے شي٬مونږ د دې سخته غندنه كوو۔ د اطلاعات وفاقي وزير ووئيل ترڅو چې د اي وي اېم تعلق دے ٬ په دې د ټېكنالوجي پارټ او الېكشن كمېشن 36 كنډېشنز ترسره شوي٬درې كمپنۍ د مينو فيكچرز په سټېج دي او د سائنس او ټېكنالوجۍ وزارت به د ټاكنو كمېشن ته ډيمو وړاندې كوي٬روانه اونۍ به دا عمل ترسره شي۔ده ووئيل د اطلاعات وزارت لخوا د اي وي اېم د 500 مشينونو د آرډر كولو په تجويز غور روان دے چې دغسې د پرېس كلبونو او بار كونسلو ټاكنې په اي وي اېم د كولو آسانې وركړی شي۔د اطلاعات او خپرونو وفاقي وزير ووئيل د ټرانسپورټ او لاجسټك په اړه د كابينه كېمټۍ چيئرمېن يو ابتدائي رپورټ كابينې ته وړاندې كړے۔وزيراعظم علي زيدي ته هدايت كړے چې په دې په تندۍ سره كار وكړي ٬زموڼږ د ټرانسپورټ او لاجسټك پالېسي دې زر نافذ كړې شي۔د قانون وزير د كريمينل لاﺀ ريفامز(د فوجدارۍ قوانين)په اړه د پرمختګ څخه وزيراعظم خبر كړے۔د قانون وزارت په دې لړ كښې يو جامع دستاويز جوړ كړے٬د وزيراعظم د منظورۍ نه پس به په نوي فواجداري قانون كښې اصلاحات نافذ كړے شي۔ ده ووئېل په غونډه كښې د سټېټ لائف انشورنس كارپورېشن په پيډ اپ كيپيټل كښې د اضافې تجويز منظور كړے شوے٬د فرسټ وويمن بېنك د انډيپنډنټ ډائرېكټرز او د چيئرمېن د ټاكنې منظوري هم وركړې شوې۔نجيب آګره والا به د فرسټ وويمن بېنك نوے چيئرمېن وي٬بشرې احسان٬صبيحه سلطان٬اكبر علي٬وجاهت رسول خان او نعمانه عالمګير هاشمي به د دې په بورډ كښې شامل وي۔د دې بورډ ترسره كېدو سره د فرسټ ويمن بېنك د نجكارۍ يو مهم شرط ترسره شوے او دې سره به د بېنك د نجكارۍ عمل په تندۍ سره مخ په وړاندې لاړ شي۔د اطلاعات او خپرونو وفاقي وزير چوهدري فواد حسېن ووئيل مونږ د 60 څخه زياتو ادارو د مشرانو ټاكنه كړې او څوك نه شي وئېلې چې دا سياسي ټاكنې دي او نه كومه ټاكنه په عدالت كښې چېلنج شوې۔ده ووئيل ټولې ټاكنې په سپيځلې ډول شوي۔ده ووئيل د انفارمېشن ګروپ افسر مبشر حسن د اے پي پي اېم ډي غور كړے٬وفاقي كابينې تاجكستان ته د كورونا مقابلې لپاره په انساني بنيادونو د مرستې وركولو منظوري وركړې۔وفاقي كابينې قامي ترانه په جديد ټېكنالوجۍ د رېكارډ كولو اجازت وركړے۔دې لپاره يوه ډله جوړه كړې شوې۔ده ووئيل پي ټي وي د انګلينډ او پاكستان د كركټ سيريز ښودلو لپاره سټار او سوني سره د لوظ نامې كولو اجازه غوښتې كومه چې مسترد كړې شوې ٬ مونږ تر هغه وخت كومې هندي كمپنۍ سره كاروبار نه شو كولے تر څو چې هند د اګست د پنځمې نېټې پريكړه بېرته نه وي اخستې ٬ مونږ به كركټ سيريز په پاكستان كښې ونه ښودلے شو ځكه چې د سوئېلي آسيا ټول رائيټس هندي كمپنو سره دي۔ده ووئيل بلاول بهټو د پنجاب په ضد سياست كوي٬ذوالفقار علي بهټو او بېنظربهټو په پنجاب كښې عروج ترلاسه كړے ؤ۔ده ووئيل پيپلز پارټي د ځان بچ كولو هڅې كوي۔ده ووئيل د مسلم ليګ(ن)سياست هم تر جي ټي روډ محدود دے۔د ګرانۍ په اړه د دوي بيانيه ډوبه شوې٬معيشت پرمختګ كوي٬ 1700 اربه روپۍ زرعي معيشت ته تللي٬د خلقو د خريدارۍ قوت زيات شوے۔ ده ووئيل مونږ اپوزېشن سره خبرو اترو ته چمتو يو خو خبرې به د احتساب په مچارو نه كېږي٬هغه عدالتونه پوهه شه٬دوي پوهه شي او ادارې پوهه شه٬مونږ په نورو چارو خبرو لپاره هر وختچمتو يو۔