اسلام آباد 05 اپرېل (اے پي پي)د كورنيو چارو وفاقي وزير محسن نقوي سره د برتانيې هائي كمشنر جين ميريټ ملاقات كړے چې پكښې د پاكستان او انګلينډ ترمينځه د كركټ سيريز پشمول د دوه اړخيزه امنيت په مرسته او د شريكې خوښې په چارو خبرې اترې وشوې ۔د كورنيو چارو وفاقي وزير د برتانيې هائي كمشنر داخله وزارت ته په رسېدو هركلے وكړو۔په ملاقات كښې د دواړو هېوادونو ترمينځه بېلو څانګو كښې اړيكې لا مستحكمولو ته اتفاق راغلو۔د برتانيې هائي كمشنر پي اېس اېل 9 په كاميابۍ كولو محسن نقوي ته مباركي وركړه ۔هائي كمشنر جين ميريټ محسن نقوي ته د مقابلې نه علاوه په سېنېټر منتخب كېدو هغه لپاره د نيكو خواهشاتو څرګندونه وكړه او وې وئېل د محسن نقوي پي سي بي او داخله وزارت كښې كاميابۍ لپاره د نيكو هيلو څرګندونه كوم۔د برتانيې هائي كمشنر ووئيل پاكستان سره په بېلو څانګو كښې مرستې ته وده وركول غواړو۔داخله وزير محسن نقوي په دې موقع ووئيل د پاكستان او برتانيې تاريخي اړيكو اهميت به خپل ځاے مسلم دے۔پاكستان بېلو څانګو كښې د برتانيې مرستې ته د قدر په سترګه ګوري۔ده ووئيل د پاكستان او انګلينډ ټي 20 سيريز د دواړو ډلو ورلډ كپ تيارو له معاون ثابتېدې شي۔داخله وزير ووئيل پاكستان برتانيې سره خپلو پخوانو اړيكو ته اهميت وركوي۔برتانيه كښې د مېشته پاكستانۍ كميونټۍ د دواړو هېوادونو پرمختګ كښې خاص كردار د ستائنې وړ دے۔د شريكو اړيكو ودې لپاره د پلاويو تبادله ضروري ده۔ده ووئيل په پاكستان كښې مېشته ټولو وګړو حفاظت د حكومت وړومبۍ ترجيح ده۔ترهه ګرو ته به د امن او امان صورتحال خرابولو اجازه په هېڅ صورت ورنه كړے شي۔ترهه ګري يوه نړيواله مسئله ده د كومې مخ نيوي لپاره چې شريكې حكمت عملۍ ته ترتيب وركول د وخت ضرورت دے۔محسن نقوي ووئيل پاكستان يوازنے هېواد دے چا چې د ترهه ګرۍ په ضد جنګ كښې بې شمېره قربانۍ وركړي۔پاك پوځ او امنيتي ادارو په دې جنګ كښې د شجاعت او بهادرۍ داستان رقم كړے۔داخله وزير ووئيل د بشري قاچاق مخ نيوي لپاره هر ممكن اقدامات كېږي۔داخله وفاقي سېكرټري خرم آغا٬د برتانيې هائي كمېشن چارواكي او داخله وزارت اړوند افسران هم د ملاقات په موقع موجود وو۔
د كورنيو چارو وفاقي وزير محسن نقوي سره د برتانيې هائي كمشنر جين ميرټ ملاقات ٬د پاكستان او انګلينډ ترمينځه د كركټ سيريز پشمول په دوه اړخيزه امنيتي مرسته او د شريكې خوښې په چارو د خيالاتو څرګندونه
مضمون کا ماخذ : comprar raspadinha
متعلقہ مضامین
