اسلام آباد۔2جون (اے پی پی) صدر ډاكټر عارف علوي وئيلي دي علماء اومشائخ د تېرو 14 سوه كلونو نه زياتې مودې څخه د پروردګار او د هغه د رسول (ص) پېغام اولس ته رسوي۔ علماﺀ كرامو او مشائخو ٬ ميډيا ٬ سول سوسائټي ٬ حكومت او په خاص توګه د اېن سي او سي په كوټلې پالېسۍ په نتيجه كښې د نورو هېوادونو په مقابل كښې پاكستان كښې د كووډ 19 غوره مخنيوے شوے۔ د کورونا وائرس په ډول وباﺀ مخنيوي په لړ كښې د قرآن تعليمات نه اولس خبرول د علماﺀ كرام فرض دي۔ علماﺀ كرام د كورونا وېكسين په جوړولو او په دې كښې د شاملو اجزاﺀ په حقله مطمئن دي۔ هغوي خپله هم وېكسين لګولي او د 4 جون 2021 جمعې ورځې خطبو كښې به د كورونا وائرس وباﺀ نه ځان ساتلو له د وېكسين اهميت او ضرورت نه اولس خبرولې شي۔ صدر ډاکټرعارف علوی د شورؤ په ورځ د ګرد هېواد علماﺀ كرامو او مشائخو د وېډيو لنك د لارې رابللې غونډې ته خطاب كښې ووئيل هېواد كښې په مهمو چارو د يو والي څرګندونه په كولو د علماﺀ كرام او مشائخو مننه كوم۔ صدر ووئيل د کووډ۔19 مخنيوي لپاره د علماﺀ كرامو او مشائخو ٬ میډیا، سول سوسائټی ، حکومت او د اېن سي او سي په زړه پورې پالېسۍ په نتيجه كښې پاكستان د نړۍ نورو هېوادونو په مقابل كښې غوره كاميابي ترلاسه كړې ۔ صدر ووئيل تاسو په دې لړ كښې په مرسته كولو ډېر اجر ګټلے۔ هغه ووئيل د اسلام بقا منبر او محراب سره تړلې ده۔ هغه ووئيل حكومت جوماتونو او امام باړو ته زيات پام ګرځولے۔هغه ووئيل ما دوه كاله وړاندې اسلامي نظرياتي كونسل ته خواست كړے ؤ چې د مهمو سماجي او معاشرتي سرخطونو په مناسبت يوه كتابچه جوړه كړې دغسې چې د منبر او محراب نه په دې لړ كښې د اولس لارښودنه وكړې شي۔ هغه ووئيل كم خوراك او كوچنيانو كښې سټنټنګ د هېواد يوه لويه مسئله ده۔ په دې اړه پروردګار قرآن كښې مېندو ته تر دوو كلونو د پيو وركولو وئيلي دي دغسې چې دا مسئله رامخې ته نه شي۔ په دې حقله د قرآن حكم خلقو ته رسول زمونږ فرض دي۔ دغسې د ميراث په حكم عمل نه كېږي۔ دا هم زمونږ ذمه واري ده چې اولس ته اووايؤِ۔ د مشاورتي غونډې په مهال د ګډې په اعلاميه هم اتفاق وكړے شو۔ د ګډې اعلاميه كښې وئيلې شوي د اولس د ځان او مال حفاظت د دين مهم مقصد دے۔ كورونا يو وبائي مرض دے او د دې مخنيوې د شرېعيت حكم دے۔ د دې د لاسه په نړۍ كښې د لكھونو په شمېر كسان مړه شوي او د روغتيا څانګې پوهان د وېكسين په اهميت زور راوړي او علماﺀ او مشائخ هم د دې ملاتړ كوي۔ دغسې علماﺀ كرام به اولس ته د دې تلقين كوي۔ هېواد كښې په رجسټرډ كړي وېكسين ٬ د دې په اجزاﺀ او تيارۍ علماﺀ اطمينان لري۔ علماﺀ كرام به اولس ته د وېكسين لګولو تلقين كوي۔ هغوي خپله هم وېكسين لګوي۔ دوئي به د جمعې ورځې 4 جون 2021 خطبو كښې د دې خصوصي تلقين كوي۔ صدر عارف علوی ووئيل د پاكستان په تعمير ٬ پرمختګ او كاميابۍ كښې د علماﺀ كرام كردار ډېر مهم دے۔ هغه ووئيل په دې به پروردګار تاسو ته ډېر اجر دركړي۔ هغه ووئيل زمونږ هڅه ده چې د علماﺀ كرامو او مشائخو په مشوره د اولس تربيه وكړې شي۔
علماﺀ كرامو د كورونا وېكسين په جوړولو او په دې كښې د شاملو اجزاﺀ په حقله د اطمينان څرګندونه كړې ۔ د راروانې جمعې په خطبو كښې به اولس ته د كورونا وېكسي نېشن تلقين كولې شي۔ د صدر ډاكټر عارف علوي د علماﺀ او مشائخو غونډې ته خطاب
مضمون کا ماخذ : سائٹس de loteria confiáveis
متعلقہ مضامین
