اسلام آباد 14 مارچ (اے پي پي) د اطلاعات او خپرونو وفاقي وزير چوهدري فواد حسېن وئيلي دي اپوزيشن د ېرې ښكار دے، فضل الرحمان، شهباز شريف او زرداري زمونږ د غړو اخستو هڅې كوي٬ دا ډول لوټا كرېسي اولس په شدت سره مسترد كړې، وزيراعظم عمران خان نه د دې نه مخكښې بلېك مېل شو او نه به اوس شي، د وزيراعظم اوسنې جلسه د دې خبرې غمازي كوي چې اولس د عمران خان په ذات باور لري۔ د دې خيالاتو څرګندونه ده د ګل په ورځ د پاكستان تحريك انصاف د كور كمېټۍ غونډې نه پس ميديا ته د بريفنګ په مهال وكړه۔ وفاقي وزير ووئيل كور كمېټۍ د وزيراعظم عمران خان په قيادت د بشپړ باور څرګندونه كړې ٬ د كور كمېټۍ په غونډه كښې د هېواد په موجوده سياسي وضعه او په خاص توګه د عدم اعتماد د تحريك په چارو بحث شوے ٬ د دې نه علاوه زمونږ په سياسي لائحه هم خبرې شوي۔ د اطلاعات وزير چوهدري فواد حسېن ووئيل د عدم اعتماد تحريك وړاندې كېدو نه پس به تحريك انصاف لا قوي او منظم شي، د عدم اعتماد تحريك اوده زمرې راويخ كړي ٬ نن د تحريك انصاف كاركن د عمران خان د كال په طمعه دي۔ ده ووئيل عمران خان او پي ټي آئي به هېڅكله نه بلېك مېل كېږي، د دريو د ټولګي دا آخري چال دے ۔ وفاقي وزير ووئيل وزيراعظم عمران خان د ق ليګ مشر چوهدري شجاعت حسېن خپل ورور ګڼي٬ دوي تل زمونږ مرسته كړې ، ټول اتحاديان به مونږ سره ولاړ وي۔ وفاقي وزير چوهدري فواد حسېن ووئيل ثابته شوې چې په هېواد كښې يوازنے وفاقي ګوند تحريك انصاف دے، عمران خان يوازنے وفاقي لارښود دے٬ په دا سبب د اپوزيشن “كانپيں ټانګ” رپېږي، اپوزيشن دې زمونږ مقابله كولو نه وړاندې اولسي ريفرنډم ته اوګوري، خلق دلته ولاړ دي٬ ده ووئېل فضل الرحمان، شهباز شريف او زرداري د خلقو د اخستو هڅې كوي٬ اولس دا ډول لوټا كرېسي په شدت سره مسترد كړې ، زمونږ كومو غړو ته چې آفر شوے ھغوي پارټي خبر كړې ۔ وفاقي وزير ووئيل تحريك انصاف چې كله حكومت ترلاسه كړو نو ټوله ټېكسټائل انډسټري بنده پرته وه،نن د هېواد ټېكسټائل انډسټري بحال شوې ، صحت كارډ څخه اولس ته د صحت سهولتونه ترلاسه دي، تعميراتي څانګه مخ په ترقۍ ده ، ده ووئېل تحريك انصاف ريكارډ اصلاحات كړي ٬ هم دا سبب دے چې نن هېواد په سم لوري روان شوے۔ ده ووئيل زمونږ مقابله ھغه كسانو سره ده د كومو دولتونه چې بهر پراته دي، آصف زرداري، نواز شريف او د ميډيا ځينې ملكان په دې يره كښې دي چې چرته د دوي بهرنې دولت ضبط نه كړے شي۔ ۔ ده ووئيل د او آئي سي د خارجه وزيرانو كنفرنس كېدونكے دے٬ مونږ دا خواهش لرو چې داسې شېډول مرتب كړے شي چې د او آئي سي غونډه ونه ځپلې شي٬ د تحريك انصاف په اوورسيز كنونشن كښې د ګردې نړۍ پاكستانيانو ګډون كړے۔ د يوې پوښتنې په ځواب وفاقي وزير ووئيل شېخ رشيد زمونږ اتحادي دے ٬ پرون ئې د خپل بيان سپيناوے كړے۔ د يو پوښتنې په ځواب ده ووئيل مسلم ليګ ق عمر له زمونږه مرسته كړې ، د پي ټي آئي غړي دا خواهش لري چې د اسمبلۍ غونډه زر راوبللې شي٬ د غونډې رابللو پرېكړه سپيكر له كول دي، غواړو چې د قامي اسمبلۍ غونډې شېډول د او آئي سي كنفرنس سره متصادم نه وي، د دې جوكرانو دا آخري لوبه ده٬ده ووئېل بل داٶ به زمونږ وي۔ د خبريالانو د پوښتنو په ځواب ده ووئيل د پي ټي آئي يو غړے داسې نه دے چې په دې موقع نشته او عمران خان سره به غداري وكړي، زمونږ يو غړي ته د 16 كروړه او بل ته د 20 كروړه روپو آفر شوے۔ ده ووئيل په تحريك انصاف كښې هېڅ څوك منحرف نشته ٬ ګيلې مانې خو وي ٬ مونږ ټول يو يو٬ تاسو به اووينې چې اپوزيش به لاسونه مروړي
اپوزيشن د ېرې ښكار دے، فضل الرحمان، شهباز شريف او زرداري زمونږ د غړو اخستو هڅې كوي٬ دا ډول لوټا كرېسي اولس په شدت سره مسترد كړې۔ د چوهدري فواد حسېن ميډيا سره خبرې
مضمون کا ماخذ : سلاٹ فادر
متعلقہ مضامین
.jpg)
