اسلام آباد 15 اګست (اے پی پی) خارجه وزير شاه محمود قريشي او د برتانيې خارجه وزير ډومېنك راب په ټيليفون خبرې كړې دي. د خارجه دفتر لخوا جاري شوي بيان له مخې د اتوار په ورځ د پاكستان او برتانيې خارجه وزيرانو د افغانستان په تندې سره په بدلېدونكي صورتحال او د پرمختګ په چارو ټيليفوني خبرې وكړې. په دې موقع خارجه وزير شاه محمود قريشي ووئيل چې د پاكستان نه زيات څوك هم په افغانستان كښې امن نه غواړي. ده ووئيل چې د افغان ډلو د بې لچك رويو په سبب اوسنې صورتحال پېدا شو. ده ووئيل چې د طالبانو په مقابله كښې افغان امنيتي ځواكونه د شګۍ دېوال ثابت شوے او په دې نړيواله ټولنه حېرانه ده. ده ووئيل چې د كابل څخه سفارتكار او د نړيوالې ټولنې غړي رابهر كولو لپاره اسانيې وركوو او په صورتحال په نظر ساتلې. ده ووئيل چې افغان مشران دې امن او د تفاهم عمل لپاره د نړيوالې ټولنې د واضح ملاتړ څخه استفاده وكړي. ده ووئيل چې د نړيوالې ټولنې افغان مشرانو سره رابطه ساتل ډېر ضروري دي. د مذاكراتو د لارې د حل راويستلو نه علاوه كومه بله چاره نشته. ده ووئيل چې مونږ په افغانستان كښې د كورنې جګړې يو نوے دور پېل كېدونكې ليدل نه غواړو. د كورنې جګړې په ګاونډيانو د ډېر بد آغېز كېدو اندېښنه ده. ده ووئيل چې د افغانستان دننه او بهر د خرابې پېدا كوونكو څخه خبر پاتې كېدل ډېر ضروري دي ځكه چې خرابي پېدا كوونكي عناصر صورتحال خپلې ګټې لپاره كارولې شي. خارجه وزير ووئيل چې د كورونا دريمې چپې مونږ په پوله د تګ راتګ په جاج اخستلو مجبور كړي يو. ده ووئيل چې د سفر په اړه د رېډ لسټ څخه د هند نوم ويستلو په اړه د برتانيې په پرېكړه د پاكستان حكومت اندېښنه لري. په لسټ كښې د پاكستان نوم په ځائ ساتلو سره د دواړو هېوادونو شهريت لرونكي ستونزو سره مخ دي. هيله ده چې د برتانيې حكومت به د پاكستان په اړه په پرېكړه نظر ثاني وكړي. ده ووئيل چې ستراتېژيكي مذاكراتو لپاره په اسلام آباد كښې د راتلونكې غونډې په انتظار يو. خارجه وزير د پاكستان لخوا يو ځل بيا د برتانيې خارجه وزيړ ته د پاكستان د دورې كولو بلنه وركړه.
د پاكستان او برتانيې خارجه وزيرانو د افغانستان په تندې سره په بدلېدونكي صورتحال او د پرمختګ په چارو ټيليفوني خبرې وكړې
مضمون کا ماخذ : estatisticas lotomania
متعلقہ مضامین
.jpg)
.jpg)
